“Падарожжа ў родную мову”

 У сельскай бібліятэцы-клубе №8 в. Вялікая Ухалода 21 лютага прайшоў турнір знайцоў “Падарожжа ў родную мову” да Міжнароднага дня роднай мовы  з вучнямі ДУА “Вялікаўхалодская сярэдняя школа Барысаўскага району”.

У час мерапрыемства дзеці пазнаёміліся з гісторыяй і культурай роднай мовы, дазналіся, што родная мова — генетычны код любой нацыі, які патрэбна любіць, шанаваць і берагчы.

Вучні здзейснілі падарожжа ў гісторыю Міжнароднага дня роднай мовы, адгадвалі загадкі, расказвалі прыказкі і прымаўкі, удзельнічалі ў віктарынах.  Асаблівую ўвагу наведвальнікаў бібліятэкары звярнулі на кніжную выставу «Дакраніся да роднага слова», якая раскрыла чытачам асаблівасці беларускай мовы і яе паходжання.

Родная мова не страціць актуальнасці, пакуль ёй будзе карыстацца народ.